Dokumentarfilm om M. B. Landstad
Nasjonalt Landstadsenter har skrive ein intensjonsavtale med Videomaker AS om å utvikle eit filmprosjekt om Magnus. B . Landstad (1802-1880). Målsettinga er at filmprosjektet skal realiserast i løpet av 2012-2013, og synast på nasjonal kringkastar i 2014.
Forfattaren Karsten Alnæs har skrive manuset, og produksjonsselskapet Videomaker AS vil få ansvar for å utvikle filmprosjektet.
Vi ønskjer å presentere hittil ukjende sider ved M. B. Landstad. I tillegg til å være salmediktar og redaktør av vår mest kjende salmebok, var han ein av våre viktigaste nasjonsbyggjarar, og ein pioner innanfor område folkeminne og folkeviser i Noreg.
Heilt sentralt i filmen blir det banebrytande arbeidet han la ned i bygdene i Telemark når det gjeld innsamling av folkeminne.
Vi forventar denne produksjonen synt på NRK eller ein annen nasjonal TV-kanal. Målsettinga er at dokumentarfilmen skal synast i forbindelse med Grunnlovsjubileet i 2014.
I tillegg tek vi sikte på ein brei distribusjon utover sending på ei nasjonal kringkastar. Vi skal lage DVD-ar, bruke stoffet som presentasjonsfilm for Landstadsenteret, og som undervisningsmateriell for skolen. Filmen skal også bli tilgjengeleg gjennom elektroniske medier.